Strømmen kan forsvinne i dagevis
Ber nordmenn vera budd på straumlause dagar: – Bunkre opp med vatn og tørrmat.
Tung snø har i vinter tatt straumen frå tusenvis av husstandar i fleire dagar. – Du bør alltid ha vatn og mat til å klare deg i minst fire til seks dagar, er anbefalinga frå Røde Kors, melder NRK.
Tusenvis av husstandar på Sørlandet har denne vinteren vorte råka av straumbrot som følge av store snømengder. Fleire av dei har vore mange dagar utan straum.
Det er ikkje berre tung snø som kan føre til plutselege straumbrot. Ein eksplosjon i eit teknisk anlegg i Bergen tidlegare denne månaden gjorde 22.000 bergensarar straumlause i fleire timar.
Både straumselskap, Røde Kors og styresmaktene meiner nordmenn til ei kvar tid må vera førebudd på at straumen kan forsvinna i dagevis.
– Folk har såpass liten erfaring med langvarige straumbrot, at ein ikkje tek det heilt på alvor. Mange er nok mindre førebudd enn dei burde vere, seier administrerande direktør Jens Skår i BKK Nett.
Han får støtte frå ei undersøking gjennomført av YouGov for forsikringsselskapet If, som viser at berre to av ti kjenner til myndigheitene si liste over kva ein bør ha heime i tilfelle ein krisesituasjon.Skår trur langvarige straumbrot kan kome spesielt overraskande på folk i byane.
– I distrikta opplever vi at folk har større forståing og er betre førebudd enn i meir sentrale strok. Der er mange meir utolmodige med å få straumen tilbake.
Han understrekar at BKK varslar kundane dersom det er meld uvêr og ein forventar at det kan bli straumstans.
– Spesielt i mindre geografiske område kan det skje at vi opplever skadar og havari på anlegga, som gjer at folk blir straumlause i periodar, seier Skår.
- Les òg:
Ikkje førebudd
Også Direktoratet for samfunnstryggleik og beredskap (DSB) meiner nordmenn bør vera best mogleg rusta mot uventa hendingar.
Dei presenterer denne lista over ting som nordmenn bør ha klart i heimen til ei kvar tid:
– Vi bur i eit land der vi vande med at alt fungerer heile tida. Då blir det utfordrande dei gongene noko blir sett ut av spel. Det viktigaste er at ein då har tenkt gjennom kva ein treng og har det på plass, seier Skorpen.
opp på drikke og mat
Som DSB har Røde Kors sett saman ei liste dei kallar «Beredskapsvettreglane».
To av dei totalt 16 punkta anbefaler folk å ha nok drikke og mat lagra for minst fire til seks døgn. Ein regel er å rekna to til tre liter vatn per person per døgn.
- (ekstern lenke)
– Ved straumbrot eller andre uventa situasjonar er det tre ting som er viktig: Halde varmen, ha trygg drikke og etter kvart også ha mat. Ganske mange har tenkt på det, men ikkje så mange har gjort noko med det, seier Skorpen i Røde Kors.
Kommentarer
Om forfatteren
